Isang bangkay na bagong silang na sanggol ang inabandona at natagpuan sa dalampasigan sa Purok 8, Brgy. Mercedes, Catbalogan City, Samar noong Marso 4, 2023.
Batay sa impormasyon na inilahad ng Catbalogan City Police Station, isa umanong bata ang nakadiskubre nito kung saan napag-alaman na bagong panganak pa lamang dahil sa dugo sa umbilical cord nito.
Kasalukuyan namang nagsasagawa ng imbestigasyon ang mga otoridad kaugnay sa pagkakakilanlan sa nagtapon ng bata sa naturang lugar.