Personal na bumisita si DSWD Regional Director Grace Subong sa Evacuation Center sa Brgy. Payao, Catbalogan City upang kumustahin ang ating mga kababayang Catbaloganon na nasunugan nitong nakaraang linggo.
Katuwang si City Mayor Dexter Uy ay personal nitong iniabot ang hygiene kit, family kit, kitchen kit at sleeping kit sa mga pamilya na ngayon ay pansamantalang nanunuluyan sa evacuation center matapos mawalan ng tirahan sa nasabing sunog.
Aabot sa humigit-kumulang sa 300 na indibidwal ang apektado habang nasa 50 pamilya ang nawalan ng tirahan sa naturang insidente.