Ginapatihan nga mismong si Charlie “Atong” Ang ang nagsulay nga impluwensyahan ang imbestigasyon sang mga nadula nga sabungero sugod sang tuig 2021 suno sang National Police Commission (Napolcom).
Siling pa ni Napolcom Vice Chairman kag Executive Officer Rafael Vicente Calinisan, si Ang ang “sabong boss” nga iya ginatumod sang July 2025 nga nagsulay nga impluwensyahan ang imbestigasyon sang kaso.
Suno pa ni Calinisan nga may ara duwa ka indibidwal nga gusto magpugong sa ginapatigayon nga imbestigasyon nga sa diin involve ang 12 ka mga active members sang Philippine National Police, isa sini amo si Ang. Isa man ka local government executive ang isa nga ginatumod ni Calinisan.
Gusto kuntani impluwensyahan ni Ang ang imbestigasyon sang Napolcom pamaagi sang isa ka indibidwal nga kilala man ni Calinisan matapos nag-file sang kaso ang isa ka whistleblower nga si Julie Patidongan sa nahambal nga mga police officers.
Gintumod man ni Patidongan si Ang nga utok sang pagpatay sang mga sabungero.
Dugang pa ni Calinisan nga nainsulto siya sa ginhimo ni Ang. “Hindi ako kayang bayaran. Justice is not for sale,” siling pa ni Calinisan.
Source: https://www.philstar.com/nation/2026/01/29/2504193/atong-ang-tried-influence-sabungero-probe-napolcom