Gintagan hin pagkilala an Disaster Response Teams han 546 Engineering Constrution Battalion (ECB) nga bumulig ha clearing, search, rescue and retrieval operations ha mga lugar nga naigo han landslides mahitungod han Bagyo Agaton dida han bulan han Abril tuig 2022.
Ginpangunahan ni Col. Proceso Rebancos, Brigade Commander han 53rd Engineer Brigade, Lt. Col. Joel Almendral, Commander han 546ECB ngan Maj Jose Cielito Karlo Homer Vita IV, Executive Officer an paghatag hin Bronze Cross Medal, Disaster Relief and Rehabilitation Ribbon ngan Military Merit Medal ha mga kasundalohan dungan han pagsaurog ha ika-37 nga founding anniversary, kakulop June 5, 2022.
Samtang, nagpapadayon an pagbulig han 546ECB ha mga biktima ni Bagyo Agaton ha Baybay City nga nagpapabilin pa ha mga evacuation centers.
An army engineers an nangunguna ha pagtindog hin temporary shelters ha mga pamilya nga nawad-an hin panimalay durante han landslide. An Brgy. Maganhan ha Baybay City an napili nga lokasyon han Baybay LGU nga pagtitindugan han temporaryo nga balay. An mao nga proyekto in ginpondohan han Office of the Civil Defense (OCD) Region VIII kabulig an Department of Public Works and Highways (DPWH). ###
Source: RMN Tacloban
