ILOILO- Nasakote ang isang lalaki sa isinagawang buy-bust operation ng Philippine Drug Enforcement Agency 6m, nitong umaga ng Pebrero 4, 2024 sa Brgy. Libong Cogon, Zarraga, Iloilo.
Kinilala ang nahuling suspek na si alyas “Macmac”, 39-anyos, isang tokhang surrenderee, ngunit nadiskubreng bumalik sa ilegal na gawain sa droga at anak ng isang Brgy. Kagawad ng nasabing lugar.
Nakumpiska sa suspek ang 7 plastic sachet ng pinaghihinalahang shabu na may timbang na 60 gramo at nagkakahalaga ng Php408,000.00, buy-bust money na Php13,500.00, isang tooter at isang lighter.
Inamin naman ng suspek na gumagamit ito at nagbebenta ng ilegal na droga.