Bisan hira in mga prisu, waray hini mapudngan an 50 nga persons deprived of liberty (PDL) sakub han Leyte Regional Prison nga maabut an ira ungara nga matima an ira pag-aram katima nga hira in mag graduate ha Senior High School pinaagi han Alternative Learning System (ALS) hitun Department of Education.
An graduation nga may tema nga Filipino Graduates: Prepared to Lead with Competence and Character” in gin buhat sakub han Maximum Security Camp.
Sumala kan LRP Superintendent Correction/SSupt Ruben R. Formoso, dako an iya pasalamat ha mga nakabulig nira nga mga buhatan han gobyerno han ira suporta ha programa ha edukasyon para han mga PDL.
Samtang ha bahin naman kan Dr. Menche L. Edloy an school head han Cagbolo Senior High School nga amu an partner han LRP ha pag aram han mga PDL, sigun niya nga an edukasyon in naghahatag hin paglaum ngan higayon hin pagbag-o bisan ha sulod han correctional facilities.
Ha banhin naman han mga nag graduate, nagpasalamat an top student han batch ha bulig nga gin hatag ha ira – an higayun nga nakag eskwela bisan adto Hira sakub hitun prisuhan.
Tinambungan an seremonya han mga representante tikang ha DepEd, TESDA, DSWD, DOST, PPA-DOJ, Commission on Elections, ngan mga pamilya han graduates.
Nagin mahinungdanun gihapun ha 48 han 50 nga graduates an ira graduation kay dinhi nira nakarawat an Electrical Installation and Maintenance NC II certification tikang ha TESDA.
Source: RMN Tacloban