Nipahamtang ang Philhealth Region 7 og tulo ka buwan nga suspension sa accreditation niini sa Cebu Maternity Hospital.
Kini human masuta sa ahensya nga adunay nahimong administrative violations ang maong tambalanan nga naglambigit sa breach of warranties sa accreditation.
Ang maong suspension epektibong gipatuman niadto pang Marso 2 ug molanat kini hangtod sa Mayo 31 ning tuiga.
Tungod sa maong estado, nipahibawo ang Philhealth nga ang mga benefit claims alang sa mga pasyente nga gi-admit sa maong hospital sud sa suspension period, dili dawaton, dili ma-process, ug dili bayran.
Nipahimangno ang Philhealth sa mga miyembro niini nga ang ilang mga benepisyo mahimo lamang mapahimuslan sa mga healthcare facilities nga adunay valid accreditation kanila.
Source: DYHP RMN CEBU
credit | PhilHealth Region VII