TACLOBAN CITY — Nasunog an usa nga storage o bodega nga kabahin hin usa nga residential house ha Brgy. 62-A, Sagkahan, Tacloban City yana nga Martes, March 31.
Sumala ha inisyal nga impormasyon, nahireport an sunog alas-12:47 han udto ngan dayon ini nga ginrespondehan han Bureau of Fire Protection (BFP). Ha sulod la hin pipira ka minutos, ginlarang nga fire under control an sitwasyon alas-12:52 han udto.
Waray naman naiulat nga may nasamaran o namatay ha nasabi nga insidente, sumala ha mga awtoridad.
Ha yana, nagpapadayon pa an imbestigasyon han BFP basi matukoy an gintikangan ngan hinungdan han sunog.
Source: RMN Tacloban