Ha pagselebrar han World TB Day, malinampuson nga nagbuhat an Tacloban City Health Office (CHO) hin Active Case Finding nga aktibidad ngada han Marso 26, 2026, ha Tacloban City Hall Extension.
An mao nga inisyatibo in naghatag hin mga libre nga serbisyo panlawas, sugad han screening ngan konsultasyon, chest X-rays, HIV counseling and testing, ngan TB preventive treatment para han close contacts, ha panuyo nga temprano madetect ngan malikyan an tuberculosis.
Durante han aktibidad, ginpangunahan ni Dr. Danilo S. Ecarma an Tuberculosis 101 discussion, nga nagduon han key facts, symptoms, ngan preventive measures. Usa gihapon nga tinaglawas tikang ha Sustaining Health Initiatives of the Philippines (SHIP) an nagbuhat hin HIV 101 session, ha pagduso han hibaro, ngan pag aghat hin timprano nga aksyon.
An malinampuson nga rollout han programa in pinaagi han suporta han dirudilain nga kasugbong, upod an Department of Health, Philippine Business for Social Progress, EVMC Family Medicine doctors, local health centers, barangay officials, ngan TBDOTS Tacloban Team.
Source: RMN Tacloban