SAN RICARDO, Southern Leyte — May naitalang landslide ha Sitio Caingin, Barangay Pinut-an, San Ricardo, Southern Leyte tungod han padayon nga makusog nga pag-uran nga ginpahinabo han low pressure area.
Sumala kan Gawad Kalinga head Dr. Jerome Paler, waray mga balay ha nasabi nga lugar nga kilala nga prone ha landslide, ngan waray man nasamaran ha insidente.
May heavy equipment nga naka-standby tikang ha lokal nga gobyerno (LGU), pero kinahanglan anay maghinay an pag-uran antes masugdan an clearing operations.
Samtang, sumala kan Provincial Disaster Risk Reduction and Management Officer (PDRRMO) Danilo Atienza, nakigkoordinar na hiya ha municipal DRRMO para ha padayon nga pag-monitor han kahimtangan han lugar. Dugang niya, masusugdan an clearing operations dayon kon mahinay na an pag-uran.
Source: PIA Southern Leyte