Naglunsad an Junior Chamber International (JCI) Burauen Burabod han Project HOPE, usa nga tuig nga inisyatiba nga naglalayon pagbuligan an mga persons deprived of liberty (PDLs) ha Burauen District Jail pinaagi hin livelihood training, mental health talks, legal consultations, ngan iba pa nga makabulig nga aktibidad.
Sumala kan JCI Burauen Burabod President Atty. Gerli Therese Abrillo, an proyekto naglalayon paghatag hin paglaum ngan oportunidad ha mga PDL nga agsob nga nalilimtan ha sosyedad. “An humanitarian support ngan empowerment programs nakakabulig ha rehabilitasyon ngan reintegration ngadto ha komunidad,” siring niya.
Sugad nga syahan nga aktibidad, nagturn-over an JCI hin mga materyales para ha bed frame han triple-decker beds han mga inmate. Padayon nga ipapatuman an Project HOPE sulod han tuig pinaagi hin livelihood training, motivational talks, recreational activities, ngan gift-giving para mapalambo an kaayusan ngan pag-uswag han mga PDL.
Source: PIA Leyte