Iga-implementar sang Department of Interior and Local Government (DILG) sa tanan nga local government units (LGUs) ang duwa ka buwan nga ultimatum nahanungod sang pagkakas sang mga pangalan, larawan, kag mga promotional material sang mga epal na politiko sa tanan nga mga proyektong ginpundohan sang gobyerno.
Suno kay DILG Secretary Jonvic Remulla, ang amo nga direktiba igapatuman bangud nga posible nga makalab-ot pa sang anum o walo ka semana nga makasunod ang mga LGU sa ‘Anti-Epal Policy’ sang gobyerno.
Dugang pa ni Remulla nga posible nga makasuhan sang administratibo kag masuspinde ang tanan nga indi magpaidalum sa amo nga direktiba.
Sini lang Enero 21, nagpaguwa sang memorandum order ang DILG nahunungod sa pagbawal sa tanan nga pulitiko nga magbutang sang ila nga pangalan, larawan, kag iban pa nga mga promotional materials parehos sang mga billboard, streamer, kag sticker sa biskan ano pa nga mga government projects.
Ginklaro man ni Remulla nga ang tanan nga mga proyekto sang gobyerno nagikan sa mga buwis sang tanan nga mga Pilipino kag indi pwede nga gamiton sa kung sin-o nga pulitiko para magpapapel o sa ila nga pansariling promosyon.
“A good job sells itself. If you perform well, it sells itself. You don’t need to ‘epal’,” dugang pa ni Remulla.
Source: https://www.philstar.com/pilipino-star-ngayon/metro/2026/02/08/2506527/2-buwang-ultimatum-sa-lgus-dilg