Ginkundenar sang National Task Force to End Local Communist Armed Conflict (NTF-ELCAC) ang New People’s Army (NPA) sa pagluthang-patay sang isa ka 74-year-old nga lola nga ginpatihan sang mga communist insurgents nga isa kay spy sa Negros Island.
Sa isa ka pahayag sini lang Sabado, ginkilala ni NTF-ELCAC Executive Director Undersecretary Ernesto Torres Jr., ang pagpatay kay Leonora “Leonor” Anguit, nga isa ka klaro nga kaso sang “spy-tagging” nga nagresulta sang summary execution, isa ka pattern nga ginahimo sang mga rebeldeng NPA para pahugon ang mga sibilyan kag mga komunidad sa Negros.
“Leonor was branded a ‘spy’ and killed. Spy-tagging is not just a label—it is a death sentence,” siling pa ni Torres.
Nahibaluan nga ang mga armado nga suspek sang pagpangluthang positibo nga nagpakilala bilang mga miyembro sang NPA.
“This method is familiar and horrifying. Accuse without proof, threaten without mercy, and kill without due process,” dugang pa ni Torres.
Nahibaluan man nga ang pagpangluthang nagsugod sang gingamit sang mga NPA ang mga property sang tigulang kasunod sang pila ka mga encounter batok sang gobyerno.
“Instead of taking responsibility for their own actions, they turned their anger on an elderly civilian. Suspicion became a death warrant,” siling pa ni Torres.
Dugang pa niya nga ang amo nga murder case pareho man sang iban pa nga mga kaso nga daw isa ka documented pattern sang systematic spy-tagging kag liquidation sang NPA sa bilog Negros island.
Sang 2025 lang, indi lang isa kundi madamo na nga mga sibilyan—mag-uuma, mga laborer, tricycle driver, barangay official, forest guard, vendor, kag mga community leaders—ang ginapamatay sang rebeldeng grupo matapos akusahan nga mga “informants.”
Kaupod sang mga biktima nga ginkilala sang NTF-ELCAC si Elberto Ancero Lubon; Cirilo Llena; Efren Solinap; Jonhee Montoya; Rickne Daipal; Jury Gane; Leonardo Nepalar; Jobert Alsado; Elias Palay; Jesmar Pacunla; Isagani Imalay; Enrique Bertucio; Jonestly Vallente Sr.; Jessie Tinggab; Johnny Boy Dela Fuente; Jerry Emia; Joshua Rabor; Anecito Mahinay; Danny “Gamay” Francisco; Maricel Pantajo; Ariel Calumboy; Joamie Peralta; Danilo Inglatera; Emong Kantala; kag si Michael Robel—tanan mga sibilya nga gin-akusahan bilang mga informants.
“These killings were even claimed by NPA units and formations. That shows intent—and a disturbing pride in targeting unarmed people. This is not (a) revolution. It is terror,” suno pa ni Torres.
Source: https://www.pna.gov.ph/articles/1268604