Narekupo han kasundaluhan an usa nga caliber .45 pistol ngan iba pa nga subersibo nga mga dokumento katima mahinabu an usa nga pupsilay ha butngan han mga kasundaluhan han 3rd Infantry Battalion nga mga miyembro han New People’s Army.
Nahinabu an pupsilay ha Cagtoto-og, usa han mga tay’aw nga barangay ha bungto han San Jorge, Samar.
Ini in katima rumesponde an mga kasundaluhan ha impormasyun tikang ha mga residente ha presensiya han mga armado nga nagbubuhat hin extortion activities ha mga parag uma.
Labut ha pusil nga subersibo nga mga dokumento, may nakuha gihapun nga mga pabuto an mga sundalo ha lugar kun diin nahinabu an pupsilay.
Nagbubuhat yana hin hot pursuit operation an mga kasundaluhan kontra han mga armado nga grupo. Padayun gihapun an ira panawagan ha mga nasasalin pa nga mga miyembro han NPA nga pamagsurender na agud mapanhimulusan nira an reintegration ngan amnesty program han gobyerno.
Photos credit to 8th ID
Source: #RMNTaclobanNews