Pormal nga ginlunsar han Provincial Government of Northern Samar, upod an Department of Science and Technology (DOST) ngan iba pa nga partner agencies, an Northern Samar Provincial Science, Technology and Innovation Council (NSPSTIC) ha Provincial Capitol.
Ginpamunuan ini han administrasyon ni Governor Harris Ongchuan para mapakusog an koordinasyon han mga ahensya ngan mapadayon an pag-uswag han probinsya pinaagi han science, technology and innovation.
Sumala kan Governor Ongchuan, kinahanglan nga an mga desisyon han probinsya ginbabase ha datos, research ngan innovation.
Ginpahayag liwat ni DOST Eastern Visayas Regional Director Dr. John Glenn D. Ocaña nga an konseho magigin importante nga instrumento ha paghatag hin benepisyo han science ngan technology ngadto ha mga komunidad, labi na ha mga geographically isolated ngan disadvantaged areas.
Ginpasabot liwat nga maghihimo an probinsya hin Provincial Science, Technology and Innovation Plan nga para ha Health, Capacity Building, Climate Resilience, ngan Opportunities nga prayoridad han Northern Samar.
Napili liwat an probinsya komo usa han pilot areas han iSTART Program han DOST, nga nagtutuyo nga magamit an science, technology ngan innovation ha lokal nga pagplano para ha inklusibo ngan padayon nga pag-uswag, upod an suporta han nagkakalain-lain nga ahensya han gobyerno.
Source: #RMNTaclobanNews