Nangin madinaugon ang isa ka Licensed Criminologist halin sa La Carlota City matapos ini mabaton sa gin-applyan nga trabaho gamit ang bag-o pa lamang nga ginpakilala nga Negros Jobs Online Portal.
Mainit nga gin-congratulate ni Negros Occidental Governor Bong Lacson, upod si Vice Governor Joeben Alonso , kag ang mfa Sangguniang Panlalawigan sang Negros Occidental,kag ang Provincial Administrator nga si Atty. Rayfrando Diaz II si Jan Roland Broce, ang fresh graduate nga amo ang una nga aplikante nga nabaton sa trabaho gamit ang Negros Jobs Online Portal.
Si Broce, nga naga-edad 27, amo ang nabaton bilang iProcess Liaison and Consultancy (OPC) gakit ang Negros Jobs Online Portal, ang bag-o nga plataporma nga inisyatibo sang Provincial Government of Negros Occidental kaupod angPublic Employment Service Office (PESO).
Nangin unemployd si Broce sang apat ka bulan kag dugay na nga nagapangita sang trabaho halin pa sang buwan sang Agusto. Nangin positibo lang siya nga mabaton sa trabaho bangud sang nakita niya ang announcement kaungod sang Negros Jobs Online Portal gamit ang QR code nga ginpost sa Negros Occidental Provincial Government Facebook page.
Gani, gin-scan lang ni Broce ang QR code, kag nakita ya na ang portal nga hapos lang i-access. Kag didto niya na ginsuguran ang pag-apply online kag matapos ang isa ka semana, nabaton na siya bilanc isa ka Business Development Officer.
Bangud sang portal, mapirma na si Broce sang iya kontrata sa iProcess sa Victorias City. Dugang pa ni Broce nga tuman gid ang iya kalipay kay subong masuportaan niya na ang iya partner kag ang ila duwa ka tuig nga anak.
Subong, may ara na 21 ka registered employers, 36 active jobs, 3,219 active jobseekers, 191 scheduled for interviews, 8 qualified applicants, kag 766 pending applications sa pareho nga portal.
Nagapanawagan man ang Negros Occidental Provincial Government sang tanan nga mga kompanya kag mga aplikante nga gusto magpaidalom sa amo nga portal, iclick lang nila ang link sa Negros Jobs Portal: https://negrosjobs.mis-negros.com/home.