May ara na persons of interest ang Calatrava Municipal Police Station sa pagpatay sa isa ka pulis kag sibilyan sa nasambit nga banwa sa probinsya ng Negros Occidental.
Sa madumduman, una nga ginluthang-patay sa ulo ang sibilyan nga si Armando Ugdamin sa Barangay Dolis.
Apang sa pareho nga adlaw nasapwan man nga napatay man si Police Senior Master Sergeant Rommel Aguilar sa Barangay Laga-an matapos ang engkwentro nga nagluntad sa tunga nila kag sang mga armado.
Nahibalu-an nga samtang naga-serbe sang warrant of arrest si Aguilar sa Barangay Menchaca, nagluntad ang engkwentro.
May igo si Aguilar sang bala sa ulo, nawong, liog, dughan kag likod.
Sa subong, nagapadayon ang koordinasyon sang kapulisan sa Armed Forces of the Philippines para sa dugang nga impormasyon sa nasambit nga kaso.