Boluntaryong nagbalik-loob sa gobyerno ang isang miyembro ng Communist Terrorist Group sa Barangay Pabanog, Paranas, Samar nito lamang Nobyembre 19, 2025.
Kinilala ni Police Lieutenant Colonel Michael Jude P Dotingco, Force Commander ng 2nd Samar Provincial Mobile Force Company, ang nagbalik-loob na si alyas “Gerry”, 62 anyos, magsasaka at residente ng Barangay Tutubigan, Paranas, Samar.
Ang pagbabalik-loob ay resulta ng matagumpay na panawagan at pagsisikap ng mga tauhan ng 2nd Samar Provincial Mobile Force Company.
Isinuko rin ng nasabing surrenderee ang isang yunit ng Caliber .38 revolver.
Samantala, nakatanggap naman ang nagbalik-loob ng agarang tulong pinansyal at bigas mula sa mga kapulisan.
Ang dating miyembro ng CTG ay nasa kustodiya na ng 2nd Samar PMFC para sa kaniyang posibleng enrollment sa programa ng ating gobyerno na Enhanced Comprehensive Local Integration Program o E-CLIP.