Sa kauna-unahang pagkakataon, mayroon nang biyahe mula Catarman, Northern Samar papuntang Cebu ng Philippine Airlines at nagsimula ang operasyon nito lamang Marso 4, 2025.
“Ang bagong ruta, bilang karagdagan sa umiiral na Catarman-Manila flight, ay magbibigay ng mas madaling access sa Northern Samar para sa isang hindi malilimutang karanasan ng mga kamangha-manghang rock formations, malinis na mga beach, mga heritage sites, at iba pang natural na tanawin. Magbiyahe na!” ayon sa isang post ng Pamahalaang Panlalawigan ng Northern Samar.
Tatlong beses sa isang linggo ang biyahe, tuwing Martes, Huwebes, at Sabado. Bukod sa nasabing ruta, nagpapatuloy pa rin ang operasyon ng Catarman-Manila vv flight ng parehong airline.