CEBU CITY – Maghihigpit ang Cebu City Police Office (CCPO) sa mga inn at motel sa lungsod sa darating na araw ng mga puso upang maiwasan ang posibleng kaso ng human trafficking, lalo na sa mga menor de edad.
Ayon kay Police Lieutenant Colonel Maria Theresa Macatangay, Deputy Chief for Operations ng CCPO, inatasan na ang Women and Children Protection Desks (WCPD) sa lahat ng himpilan ng pulisya na magbantay sa mga aktibidad na maaaring may kaugnayan sa naturang krimen.
“We would also be monitoring that one (cases of human trafficking). We’ll be tasking our WCPD (Women and Children Protection Desks) in all police stations to monitor activities that might lead to that particular crime,” ani Macatangay.
Bukod sa pagbabantay sa mga motel at inn, nakatuon din ang pansin ng pulisya sa paglaganap ng “love scams” sa internet. Nakipagtulungan na ang CCPO sa Anti-Cyber Crime Group upang bantayan ang mga online na modus na maaaring makapanloko ng mga tao.
This February 14, everyone should love responsibly. No one should get involved in these crimes,” dagdag ni Macatangay.
Sa pamamagitan ng pinaigting na seguridad, hangad ng CCPO na gawing ligtas at payapa ang pagdiriwang ng Araw ng mga Puso para sa lahat.
Source: PNA