Walang pag-aalinlangan ang isang tatay na i-report sa pulisya ang kanyang anak na umano’y gumagamit ng ilegal na droga, noong Disyembre 6, 2024.
Ayon sa impormasyon mula sa pulisya, personal na nagpunta sa kanilang estasyon si alyas Nicko, ang tatay ng suspek, nang makita niyang gumagamit ng shabu ang anak sa loob mismo ng kanilang bahay sa Brgy. Ferdinand, Calubian, Leyte.
Doon, rumesponde ang mga pulis at nahuli sa akto ang suspek na si alyas Jun, 43 anyos, sa kanilang kusina na gumagamit ng hinihinalang shabu.
Nakuha mula sa suspek ang apat na sachet ng hinihinalang shabu, dalawang bukas na pakete, at iba pang mga gamit na ginagamit sa droga.
Sa ngayon, nakapiit na ang suspek sa Calubian MPS at haharap sa kasong paglabag sa RA 9165.
Panulat ni Cami