Isang lalaki ang natagpuang patay na may mga sugat mula sa bala sa Zone 1, Barangay Canhidoc, Palo, Leyte nito lamang Oktubre 8, 2024.
Ang biktima ay nakasuot ng sirang damit at pantalon, may tattoo sa kanyang kaliwang braso, at may dalang dalawang manok panglaban.
Ayon sa imbestigasyon ng pulisya, ang biktima ay nakasakay sa isang motorsiklo kasama ang suspek na siyang nagmamaneho. Sila ay naglalakbay mula sa Brgy. Canggumbang patungo sa Brgy. Canhidoc. Pagdating sa lugar, iniulat na bumaba ang biktima sa motorsiklo, kung saan siya ay pinaputukan ng suspek sa iba’t ibang bahagi ng kanyang katawan.
Agad na tumakas ang suspek patungo sa direksyon ng Brgy. Canhidoc matapos ang krimen. Nakarekober ng SOCO ang limang basyo ng bala at isang magazine sa lugar.
Patuloy ang imbestigasyon ng pulisya tungkol sa insidente.
Panulat ni Cami