Inanunsyo ng Metro Cebu Water District (MCWD) ngayong Lunes ang malaking proyektong pagpapalawak ng pipeline upang palakasin ang mga koneksyon sa tubig na makikinabang ang 5,000 pambahay sa mga upland barangays.
Sinabi ni Attorney Jose Daluz III, ang Chair ng MCWD Board, na pumirma si Acting Mayor Raymond Alvin Garcia ng mga permit para sa excavation, na nagpapahiwatig na wala nang anumang hadlang sa kanilang pagsisikap na tugunan ang krisis sa tubig.
Ang mga permit para sa mga linya ng distribusyon ay nasa Cebu City Hall mula pa noong Marso 2023.
Sinabi ni Garcia na siya’y positibo na magkakaroon ng magandang resulta ang mga pagsisikap sa loob ng anim na buwan.
“If this was signed last year, mountain barangays could have already the water they need,” ani Garcia.
Bukod kay Daluz, sina Edgar Donoso, ang General Manager ng Water District, at ang mga miyembro ng board na sina Miguelito Pato, Jodelyn Mae Seno, at ilang kasapi ng media ay nagsaksi sa pagpirma ng mga permit sa City Hall.
Nagpasalamat si Daluz sa Acting Mayor sa pagsuporta sa kanilang mga pagsisikap, na sinasabi na ito rin ang kanyang plano upang magbigay ng tubig sa mga botante.
Matapos ang pag-apruba ng mga permit, sinabi ni Donoso na maglalabas ang Water District ng isang abiso upang ipagpatuloy ng mga contractors ang mga gawain sa excavation.
Ang proyektong ito ay nagpapakita ng pagsisikap ng pamahalaan na paigtingin ang serbisyo at imprastruktura sa mga lugar na nangangailangan nito tungo sa pagkakaroon ng mas maunlad at mas maginhawang Bagong Pilipinas.
Source: PNA