Sugatan ang isang lalaki sa nangyaring pamamaril na naganap sa Barangay Maribong, Lambunao, Iloilo, nito lamang ika-6 ng Pebrero 2024.
Kinilala ang biktimang si alyas “Ben”, 46 anyos, habang ang suspek naman ay kinilalang si alyas “Mon”, 30-anyos, kapwa residente ng Lambunao, Iloilo.
Base sa imbestigasyon ng kapulisan ng Lambunao MPS, nangyari ang insidente bandang 1:20 ng madaling-araw habang nag-iinuman ang suspek at ang biktima kasama ang ama nito, kung saan nagkaroon ng hindi pagkakaintindihan ang mga ito na nagresulta sa pamamaril.
Ayon pa sa imbestigasyon, nagtamo ng tama sa tagiliran ang biktama, at kasalukuyang nagpapagaling na sa Dr. Ricardo S. Provido Memorial District Hospital sa Calinog.
Patuloy pa rin ang isinasagawang imbestigasyon ng mga kapulisan ng Lambuano Municipal Police Station para sa mabilis na pagkahuli ng suspek na nakatakas.