Inatasan ni Pangulong Ferdinand R. Marcos Jr. ang mga ahensya na paigtingin ang pagtulong sa mga biktima ng baha sa Northern at Eastern Samar.
Habang nasa Tacloban, ipinag-utos ni PBBM sa pamamagitan ng Zoom briefing nitong Nobyembre 23, 2023, ang Department of Public Works and Highways (DPWH) na tiyakin na maisaayos ang mga kalsada para sa mabilis na pamamahagi ng tulong.
Nakahanda na din ang Department of Social Welfare and Development (DSWD) para sa pamamahagi ng 100,000 food packs para sa mga apektadong pamilya.
Bukod rito, ang Department of Agriculture ay magbibigay rin ng kinakailangang tulong kasama ang pamamahagi ng agricultural resources sa mga pamilyang naapektuhan.