Natagpuan na ang limang araw nang nawawalang Practice Teacher ng Samar State University sa isang sapa sa Sitio Mabolo, Brgy Canlapwas, Catbalogan City, Samar nitong Marso 28, 2023.
Kinilala ang estudyante na si Darlene Luzelle Uy, Education Graduating Student at nawala ito noong Huwebes, Marso 23, 2023.
Ayon sa imbestigasyon ng kapulisan, nagpaalam ito sa guro na aalis sandali mula sa Catbalogan 1 Central Elementary School kung saan siya nagpa-practice teaching, iniwan pa nito ang bag at cellphone lamang ang dala bandang ala 1:00 ng hapon.
Natagpuan naman itong buhay at gumagalaw pa ng mga batang naliligo sa nasabing sapa sa lugar at agad ipinagbigay alam sa otoridad at pamilya nito.
Agad namang dinala ang biktima sa Catbalogan Doctor’s Hospital para sa agarang atensyong medical.
Patuloy ang isinasagawang imbestigasyon ng mga otoridad hinggil sa kasong ito.