Dalawampu’t apat na temporary housing units ang nakahanda nang ipamahagi sa mga residente na nasunugan sa Barangay Looc sa Mandaue City.
Sinabi ni Marivic Cabigas, Head of Department of General Services, na nakatakdang i-turnover ang mga housing unit sa Barangay Guizo sa Cebu International Convention Center Compound sa Marso 18.
Sinabi pa ni Cabigas, na isa ring enhinyero, na bawat unit ay may lawak na 20 square meters at ang 24 na bahay ay binubuo ng isa sa apat na bloke.
May kabuuang 100 temporary housing units ang itatayo sa apat na bloke, ani Cabiga.
Ang mga ipapatayong tirahan ay donasyon ng Mandaue Chamber of Commerce and Industry sa pakikipagtulungan ng Mandaue City Government at iba pang stakeholders.