Calbayog City – Naaresto ng mga tauhan ng Calbayog City Police Station sa magkahiwalay ng operasyon ang Top 2 at Top 6 Most Wanted Person sa Calbayog City noong Oktubre 16, 2022.
Unang nasakote si alyas “Jumong”, residente ng Brgy. Pagbalican, Calbayog City at nahaharap sa kasong murder.
Sunod namang nahuli ang 44 anyos na si alyas “Efren” na kasalukuyang naninirahan sa Brgy. Catmon, Malabon City, na inisyuhan din ng warrant of arrest ng korte dahil sa kasong muder.
Pinapurihan naman ni Police Lieutenant Colonel Ericson del Rosario, Hepe ng Calbayog City Police Station, ang pagsisikap ng kanilang mga tauhan, gayundin ang tulong ng mga komunidad upang matunton ang mga wanted person na kinasuhan sa korte dahil sa paglabag sa batas.