Arestado ang dalawang drug personality habang kumpiskado ang tinatayang nasa Php850K halaga ng shabu sa ikinasang buy-bust operation sa Barangay Basak Pardo, Cebu City nito lamang ika-17 ng Setyembre 2022.
Kinilala ng mga awtoridad ang mga naaresto na sina Fernando C. Paraiso Jr., alias JR, 31, at ang kasamahan nito na si Jecklerd B. Cabaluna, 35.
Naaresto sina Paraiso at Cabaluna pasado alas-8 ng gabi nito lamang Sabado sa operasyon na isinagawa ng mga miyembro ng PDEA 7, Cebu City Maritime Police, Philippine Coastguard 7 Intel, Naval Forces Central, at PNP CDEU.
Nakuha mula sa nasabing operasyon ang nasa pitong pakete ng shabu na may timbang na 125 gramo na may halagang Php850,000, buy-bust money, at isang revolver.
Nahaharap ang mga suspek sa kasong paglabag sa Sec. 5, 11, at 26 ng RA 9165 o Comprehensive Dangerous Drugs Act of 2002 at RA 10591 o Comprehensive Law on Firearms and Ammunition.