Timbog sa ikinasang buy-bust operation ng mga operatiba ng Balamban Police Station ang high value individual ng Cebu nito lamang Martes, Setyembre 13, 2022 sa Brgy. Prenza, Balamban, Cebu.
Naaresto ng mga awtoridad ang drug suspect na si Antonio Cañedo Canseco, 43, residente ng Brgy Prenza, Balamban, Cebu, na kabilang sa talaan ng high value individual ng naturang lungsod.
Kasabay ng pagkakaaresto kay Canseco ang pagkakumpiska ng mahigit 12 gramo ng hinihinalang shabu na may standard drug price na Php82,416.00, isang unit ng cal. .38 revolver at buy bust money.
Ang suspek ay kasalukuyang nasa kostudiya ng Balamban MPS habang inihahanda ang mga kasong isasampa laban dito.