Pormal nang binukas ang bagong hanging bridge sa Brgy. Palanogan, Calbayog City na personal na pinasinayaan ni Mayor Raymund “Monmon” Uy, nitong Sabado, Setyembre 10, 2022.
Matapos ang ilang dekada ng paghihirap ng mga residente, inilagay ang nasabing tulay sa barangay sa pamamagitan ng inisyatibo ni Mayor Mon.
Ayon sa kanya, kapag mataas ang tubig ay hindi na makalabas-pasok ang mga residente sa Palanogan. Ito ay lalong mapanganib para sa mga nagsisikap na tumawid kapag may emergency.
Nagpahayag din ng pasasalamat si Mayor Mon kay Samar 1st District Representative Stephen James Tan, Samar Governor Sharee Ann Tan, Former Governor Reynold Michael Tan sa kanilang walang patid na suporta sa kanyang proyekto para sa mga mamamayan ng nasabing barangay.
Ipinaliwanag din ng alkalde na layunin ng lokal at provincial government na mabigyan ng komportableng daanan ang mga pumupunta sa mga karatig lugar upang maging madali para sa kanila ang paglalakbay dala ang kanilang mga produkto na siyang nagbibigay ng kanilang kabuhayan.