Patay ang isang lalaking na naglalakad sa gilid ng kalsada matapos mabangga ng isang Multicab nito lamang umaga ng Linggo, Setyembre 4, 2022, sa Barangay Poblacion, Carmen, Cebu.
Kinilala ang biktima na si Ruel Amad, residente ng Barangay Cogon West ng nasabing bayan, nadala pa ang biktima sa malapit na hospital upang mabigyan ng kaukulang medical na atensyon ngunit kalaunan ay binawian na rin ng buhay dulot ng matinding sugat na tinamo sa aksidente.
Base naman sa imbestigasyon na ginawa ng Carmen Police Station, Traffic Vehicular Investigation, lumalabas na habang nagmamaneho si Janet Panorel ng kanyang sasakyan na isang Multicab na may plate number na GSF 667 ay kanya itong iniliko pakanan para iparada sa gilid ng kalsada, ngunit natapakan niya ang silinyador sa halip na preno na dahilan ng pagkakabangga sa biktima.
Pansamantalang ikinulong sa Carmen Police Station ang babaeng driver ngunit pinalaya kinaumagahan matapos itong makipag kasundo sa malapit na kamag-anak ng biktima. Naka-saad sa kanilang kasunduan na sasagutin ng suspek aang gastusin sa burol at ang pagpapalibing sa biktima.