Arestado ng mga awtoridad ang riding in tandem matapos mahulihan ng baril sa Sitio Tinag-an Dos, Brgy. Ipil, Ormoc City, hapon ng Sabado, Setyembre 3, 2022.
Batay sa imbestigasyon, ang naka-checkered na damit ay ang driver ng sinasakyan nilang motorsiklo na kinilalang si Mac Mac Acosta, 27 anyos at taga Poblacion, Hilongos, Leyte.
Habang ang naka-jacket na pula ay kinilalang si Tata Baer, ​​38 anyos, mula sa Brgy. Santa Cruz, Hilongos, Leyte.
Narekober sa katawan ng mga suspek ang isang 45-caliber pistol na may mga bala at Php20,000 cash.
Sinabi ng dalawang naaresto na binayaran sila ng tig-1,500.00 para maihatid ang baril sa Ormoc City. Ngunit hindi nila sinabi kung kanino nila ito ihahatid at kung sino ang nag-utos sa kanila.
Patuloy pang iimbestigahan ng pulisya ang mga naaresto.