Bangkay na nang matagpuan ang dalawang lalaking napaulat na nawawala sa Lungsod ng Catbalogan.
Ayon sa imbestigasyon, dumayo lamang para maki-fiesta ang dalawa sa Darahuway Daco nitong nakaraang Martes ngunit di na nakauwi pa sa kanilang tahanan sa Sitio Madalunot sa Pangdan, Catbalogan City.
Ngayong araw, August 18, 2022, naispatan ng mga mangingisda ang katawan ng isang lalaki na kinilalang si Noli Violen sa isla ng Barangay Basiao, samantala ang katawan naman ng isa pa na kinilalang si Danny Cabanganan ay natagpuan din ng mga mangingisda kahapon, August 17, 2022.
Sa ngayon ay hinihintay pa ang opisyal na ulat ng Catbalogan PNP at resulta ng otopsiya sa mga labi upang matukoy ang sanhi ng pagkamatay ng mga biktima.