Isang hindi pa nakikilalang bangkay ang natagpuan malapit sa Luyang Cove sa Barangay Luyang, Carmen, Cebu bandang 11:30 ng umaga ngayong araw, June 20, 2022.
Ayon sa Carmen Police, patuloy pa ang kanilang isinasagawang imbestigasyon sa nasabing bangkay kung ito ay si Rosalito Lumen na naiulat na nawawala kagabi (June 19, 2022). Ang kanyang anak na si Jonel ang nagsumbong sa Carmen MPS na si Rosalito ay umalis upang mangisda kagabi ngunit hindi na ito nakauwi kaninang umaga.
Narekober ng mga tauhan ng Philippine Coast Guard ang bangkay at inilipat na sa isang funeral parlor.
Source| https://www.facebook.com/mytvcebu/posts/pfbid037WiqVQAwAcUu8r7qR64zwBtYrd5Ev55rbSTdTCSv1A559R4xaiThBn5W3bJZnDdjl