Waray na makalusot pa ha mga otoridad an tulo nga drug suspect mahuman maabtan nga nagamit hin gin aaaligar shabu durante han ira pot session ha Brgy. 84, San Jose, Tacloban City, dida han Brgy. 84, San Jose, Tacloban City, alas 8:36 han gab-i.
Ginkilala an mga suspek nga hira alyas “Esing,” 37-anyos nga babayi, “Kiting,” 38-anyos nga lalaki, “Owek,” 32-anyos nga lalaki, papreho mga residente han Tacloban City.
Banda alas 8:15 han gab-i han mao nga adlaw, nakakarawat hin sumat an Police Station 1, Tacloban City Police Office tikang ha usa nga concerned citizen hiunong ha nahitatabo nga pot session ha usa ka balay ha mao nga barangay. Dayon naman ini nga ginkadto han mga personales ha pagberipika.
Ha ira pag abot, ira naabtan an mga suspek nga nagamit han ilegal nga droga, nga dayon liwat nagresulta han ira pagkaaresto.
Narekober ha mga suspek an upat kapakete hin gin aaligar shabu, dirudilain nga drug paraphernalia, ngan usa ka kaha hin sigarilyo.
Ginmarkahan naman ngan gin imbentaryo an mga nakumpiskar nga ebidensya ha lugar han pag aresto, ha atubangan han mga gin imbitar nga testigo, subay ha mandato han balaud.
Samtang, gindedeterminar pa han Regional Forensic Unit 8 an kabug-at ngan kantidad han narekober nga gin aaligar shabu. Gin aandam na gihapon an pagpasaka hin kaangayan nga kaso kontra ha mga suspek.
Source: RMN Tacloban