Nag antos hin grabe nga samad ha iya likod an usa nga lalaki mahuman ini tigda la nga pagtigbason ha Brgy. Amagusan, Anahawan, Southern Leyte, kakulop, September 7, alas 10:49 han gab-i.
Ginkilala an biktima nga hi alyas “Nong,” 35-anyos, waray trabaho, ngan residente han Brgy. Kanihaan, Libjo, Dinagat Island.
An suspek naman in ginkilala ha alyas nga “Clark,” 48-anyos nga parag-uma, ngan residente han Brgy. Calintaan, Anahawan, Southern Leyte.
Ha inisyal nga imbestigasyon han mga otoridad, nagawas nga an biktima in pumakadto ha panimalay han iya uncle para magdara hin pagkaon. Nakadto gihapon an suspek ha mao nga panimalay kun diin hira nagkakatangka ha inom han uncle han biktima.
Samtang aadto ha mao nga panimalay, ha waray klaro nga rason, in tigda nga ginsugod han suspek an biktima hin bolo, hinungdan han pag angkon hini hin graben ga samad ha iya likod.
Dayon liwat nga gindara an biktima ha Anahawan District Hospital para han kadagmitan nga pagtambal, samtang naaresto naman an suspek ngan ginkumpiskar an armas nga gin gamit ha krimen ngan gindara ha Anahawan Municipal Police Station para han sakto nga disposisyon.
Source: RMN Tacloban