Malampusong gipahigayon sa Local Government Unit (LGU) sa Pilar, Bohol ang launching sa Micro-Business Sustainability and Advancement Program (MBSAP) sa Sangguniang Bayan Session Hall niadtong Agosto 25, 2026.
Gisugdan ang programa pinaagi sa unang session nga “Breaking Barriers and Shaping Positive Organizational Culture to Achieve Success,” nga nagtutok sa pagpalig-on sa mindset, kahibalo, kahanas, ug organisasyonal nga pamaagi sa mga lokal nga negosyante.
Nagpasalamat ang LGU Pilar kang Mayor Engr. Wilson Lagapa Pajo alang sa iyang Message of Support ug kang Vice Mayor Wilfredo Bernante alang sa Welcome Address.
Gipasalamatan usab si Municipal Councilor Samia Dapar Hilot, Chairperson sa Committee on Trade and Industry, ug ang DTI Bohol team, ilabina si Sir Carlo Roaldo Escobilla, TIDS, DTI Bohol, sa ilang pagpaambit sa kahibalo ug eksperyensya ngadto sa mga lokal nga negosyante.
Pinaagi sa MBSAP, padayon ang LGU sa pagmugna og mga oportunidad alang sa mga lokal nga negosyante aron makakat-on, molambo, ug mapalig-on ang ilang mga negosyo.