Nagbalik-loob ha mga awtoridad an duha nga miyembro han New People’s Army (NPA) ha Northern Samar ngan Eastern Samar hadton Agosto 24, 2026.
Ha Catarman, Northern Samar, siyahan nga sumurender hi alyas “Rey,” 35 anyos, usa nga parag-uma ngan miyembro han Yunit Militia han CTG ha ilarom han FC-2, SRC Emporium. Iya iginsurender an iya homemade shotgun o “Bardog” nga may duha nga bala.
Samtang ha Quinapondan, Eastern Samar, sumurender liwat hi alyas “Tony,” 63 anyos, usa nga parag-uma. Iya liwat iginsurender an usa nga homemade shotgun nga waray serial number ngan may usa nga bala.
“The decision of these individuals to surrender is a positive step toward peace. PRO 8 will continue to work with our partner agencies and communities to encourage more individuals to choose a peaceful path and support initiatives that contribute to the security and development of Eastern Visayas,” mensahe ni PBGen Jason L Capoy, Regional Director, PRO 8.