Apat ka high value individual ang nadakpan sang kapulisan sang Police Regional Office (PRO) 6 sa separado nga mga drug buy-bust operations sa Iloilo City.
Sang Agosto 19, 2026 ginhimo ang drug buy-bust operation sang City Drug Enforemcement Unit (CDEU) kag naaresto si alyas Bubu, 49 anyos kag Alison 32 anyos sa sa Barangay Danao, City Proper.
Nakuha sa ila ang 11 kag sachets sang ginapatihan shabu nga nagabug-at sang 55 grams kag may standard drug price nga P374,000.
Agosto 20, 2026 sang kaagahon, nadakpan man sa Zone 2, Barangay Sto. Niño Norte, Arevalo sanday alyas Kalbo, 22 anyos kag alyas Pongkoy 18 anyos.
Nakuha sa ila ang 160 grams sang illegal drugs nga may standard drug price nga P1,088,000.
Sa kabugu-usan, nagdangat sa P1,462,000 ang balor sang illegal drugs nga nakumpiskar sa mga subjects.