Masobra 300 ka mga mangunguma sa Dumarao, Capiz ang nagaproblema bangud sa halit sang Red Stripe Streaking Infection (RSSI), sa ginabanta 123 ektarya sang katubohan.
Suno kay Mayor Matteo Hachuela, iya ginpahayag nga posible magtaas pa ang numero sang mga katubohan nga apektado bangud padayon sa gihapon ang pag-monitor sang Municipal Agriculture Office.
Dugang pa ni Hachuela, nagahulat na lang sila sang bulig halin sa Capiz provincial government nga posible maabot subong ukon sa masunod nga semana kasunod sang deklarasyon sang State of Calamity. Nagakabalaka man ang mfa sugarcane planters sang sitwasyon subong ilabi na nga ang milling season ginalauman nga magasugod sa Nobyembre ukon Disyembre.