Gipahigayon ang Panaw sa Alampat 2026 sa Provincial Government of Bohol (PGBh), ubos sa pagpangulo ni Gov. Aris Aumentado ug pinaagi sa Bohol Center for Culture and Arts Development (BCCAD), sa Calape, Bohol niadtong Agosto 15 hangtod 16, 2026.
Kini gitambongan sa 100 ka mga partisipante ug ang duha ka adlaw nga kalihokan naghatag og mga workshop bahin sa musika, teatro, sayaw nga tradisyonal, hip hop dance, contemporary dance, ug visual arts ubos sa tema nga “Where Arts Speak for Nature: Express. Protect. Sustain”.
Kini nga mga paningkamot nagpadayon sa panan-awon sa Bohol nga mahimong usa ka mamugnaon, dato sa kultural nga panulondon, ug malungtarong probinsya, subay sa Strategic Change Agenda ug sa pasalig nga palig-onon ang unang ug bugtong UNESCO Global Geopark Regenerative Island sa Pilipinas.