Mapalambo an talento han mga kabataan ha musika—ini an hingyap han lokal nga pangobyernohan han nagpapadayon nga libre nga Music Training Program ha norte Tacloban, kinikita nga marabong pa tungod nga nagtitikadamo an interesado magin kaparte hini.
Dida han Agosto 8, nagdumara hin recital ha GMA Family Park, Barangay 106 Sto. Niño, diin ginparayaw han 16 nga mga estudyante ngan out-of-school youth nga kaparte han programa an ira talento ha pagkanta ngan pagtukar hin magkadurudilain nga turunggon.
Kada-adlaw an ginbubuhat nga paghag-id han mga talento nga nakadepende han abilable nga oras han kabataan.
Hingyap han mga tagdumara han programa nga suportahan han mga kag-anak an kabataan nga masulod han programa, tungod nga labot la nga maupay ngan talwas ini nga kaliawan, dako ini nga bulig agud makalikay han mga magraot nga aktibidad o impluwensya nga posible makagdara ha ira ha masirom nga kabubwason.
Para han mga interesado magin kaparte an ira anak hini nga programa, makigsumpayan ha City Hall North Extension Office.
Source: RMN Tacloban