Sobra mil nga mga mulopyo tikang ha 49 nga mga barangay ha bungto han Carigara an nakatalaan nga makakarawat yana hin cash assistance tikang ha gobyerno pinaagi han UPLIFT Program.
Gin bubuhat an cash assistance distribution ha Carigara gym ha panguna han Department of Social Welfare and Development kabulig an Municipal Social Welfare and Development Office.
Dos mil nga cash assistance kada bulan sakub hin unum ka bulan an makakarawat han mga beneficiaries nga ada ha near poor ngan poor category subay ha CBMS survey nga gin himu han Philippine Statistics Authority, ngan mga SSS members nga diri malapus ha PhP20,000 an sweldo kada bulan.
Samtang one-time cash assistance naman balur PhP2,000 ha mga 4Ps beneficiaries ngan Walang Gutum Program.
Source: #RMNTaclobanNews