Gamit hin gunting, samaran an usa nga lalaki mahuman ini pagbun-on ha Sitio Tabunok Brgy. Poblacion, Kananga, Leyte, alas 3:30 han kulop, kakulop, Agosto 5, 2026.
An biktima in ginkilala nga hi alyas “Jason,” 31-anyos, single, waray trabaho, ngan residente han Sitio Tabunok, Brgy. Poblacion, Kananga, Leyte.
An suspek naman in ginkila ha alyas nga “Kris,” 28-anyos nga laborer, single, ngan residente han pareho nga barangay.
Ha inisyal nga imbestigasyon han mga otoridad, nagawas nga antis an insidente, mag-upod an biktima ngan an suspek samtang nagmumulay hin “scatter”. Kataliwan in umuli an biktima para ig-charge an iya cellphone.
Samtang aadto ha sakob han ira balay ngan mahuman pagsaksak han iya cellphone, ha iya paglingi, didto niya nakit-an suspek nga nakatindog ha iya atubangan. Ha waray klaro nga rason, gamit hin gunting in tigda nga ginbuno han suspek an biktima ha iya tiyan, hinungdan han pag angkon hini hin kasamdan.
Nagproyba pa an biktima nga madepensaran pa an iya kalugaringon, pero pumabutnga an usa nga lalaki nga hi alyas “Reynaldo,” ngan dayon hiya gindara ha Kananga Municipal Hospital para han pagtambal.
Dayon naman nga kumalagiw an suspek mahuman an insidente pero pinaagi han ginbuhat nga hot pursuit han mga nagresponde nga pulis, malinampuson ini nga naaresto ngan narekober tikang ha iya an gin aaligar gunting nga gin gamit ha krimen, ngan gindara ha kustodiya han kapulisan kumo ebidensya.
Source: RMN Tacloban