Sobra 200 nga mga sports officials ngan mga atleta tikang ha magkadirudilain nga mga local government units ha Sinirangan Bisayas an natambung han duha ka adlaw nga Eastern Visayas Sports and Youth Summit ha Ormoc City.
An mao nga katitiruk in gin organisa han city government kaupod an Philippine Sports Commission (PSC).
Panuyo hini nga magkaada hin higayun an kada LGU nga pag-iristuryahan ngan mas mapakusog pa an ira tagsa-tagsa nga mga sports program.
Ini in gin tambungan nira eyte 4th District Rep. Richard Gomez, Ormoc Mayor Lucy Torres-Gomez, ngan PSC Chairman John Patrick Gregorio.
“The importance of this sports summit is kung ano ang natutunan namin, yung matutunan namin sa ating mga resource persons we want to share this with everyone, why?, because in the future na yung Region 8 will be a sports stronghold,” sigun kan Cong Gomez.
Kaparte hini, gin himu ni Cong Gomez nga example an Ormoc, dara han mga gin himu nira nga mga programa pagpakusog han ira sports program ug pagbutang hin mga pasilidad nga magagamit han mga atleta ha ira training.
Labut pa ini ha suporta nga ira nakakarawat sugad han mga uniforms ngan pag hire hin mga dekalidad nga coaches ngan traineers nga magigiya ha pag hag-id han mga atleta san-o umatu ha kompetisyun.
Senigundahan ni Mayor Lucy Torres-Gomez, an mensahe ni Cong Gomez, pinaagi ha paghatag hin duon ha kaimportante han LGU support ha mga atleta agud mahimu hira nga mga champion.
“LGU support are very important. Not all athletes are born with the means, so it is really the duty of the LGU to really support the athletes,” sigun kan Mayor Gomez.
Dugang pa niya nga labut ha paghatag hin suporta ha mga atleta, kinahanglan sakto gihapun an tawo nga magkakaput han sport program ngan office han LGU agud masiguro nga mapapatuman hin sakto an mga programa.
Sugad han gin buhat han ira syudad, gin tikangan ha paghatag hin sakto nga klase hin sapatos ha kada atleta, ini in nagresulta hin pagtikang ha pagdaug hin mga medalya han ira gin papadara ha mga sports competition sugad ha Eastern Visayas Regional Athletics Assocition (EVRAA).
Tikang ha 3rd overall ranking han 2016, ngan sumaka ha 2nd overall ranking ha 2017 ngadto ha madaugan nira an ira syahan nga overall championship title han 2018, waray na ini makuha nga korona ha Ormoc City ha kinada tuig nga pagbuhat han EVRAA.
Source: RMN Tacloban