Natalana nga magahampang ang Bacolod Team Womens Football sa 2026 Little League Junior Softball World Series sa Everest Park sa Kirkland, Washington sa Lunes.
Sa interview sang Bombo Radyo kay Lizvi Jalandoni, Coach sang Bacolod Team Womens Football, ginpahayag sini nga alas-1:00 sang kaagahon (oras sa Pilipinas) magahampang ang Team Bacolod batok sa West Region kag alas-7:00 sa aga naman batok sa Southwest Region.
Samtang, alas-7:30 sang aga sang Miyerkules magakontrahanay naman ang Team Bacolod batok sa Canada kag alas-1:30 sang kagaahon sa Huwebes batok sa East Asia.
Suno kay Jalandoni, sa pag-abot nila sa Washington sang Huwebes, naga-adjust pa ang ila mga player bangud sa jetlag sa pagbyahe kag sa time difference.
Suno diri, 14 tanan ang player sang Team Bacolod kag tatlo sila kabilog nga mga coaches.
Ang world series ang isa ka prestiguos event gani suno kay Jalandoni, ginalauman nga ang tanan nga mangin kontra sang Team Bacolod ang mabaskog ilabi na ang American Regions.
Sa pihak sini, suno sa Coach nga handa na ang ila nga Team sa pagsugod sang ila hampang sa Lunes.
Pahayag sini nga makita nga tuman ang kalipay sang mga kabataan bangud sila ang nakalab-ot sa luwas sa pungsod.
Nagpasalamat ini sa mga ginikanan, DepEd Bacolod kag sa ciudad sang Bacolod kag nagpanawagan nga padayon nga suportahan ang ila nga team.
Source: Bombo Radyo Bacolod