Trese nga mga anay miyembro han kagiusan an kumarawat hin hinabang tikang ha gobyerno pinaagi han Enhanced Comprehensive Local Integration Program (E-CLIP).
An mga anay New People’s Army member in kumarawat hin tag PhP65,000 kada usa kun diin an PhP50,000 in para ira magamit ha pagpakabuhi o pagnegosyo samtang an PhP15,000 in immediate assistance para ha ira.
An financial assistance nga gin hatag ha mga former rebel in gin facilitate han Department of Interior and Local Government.
Nanguna hi Northern Samar Governor Harris Ongchuan kaupod hira DILG Provincial Director Geraldine Maquelabit, PSWDO Provincial Director Jenny O. Darish, ngan mga opisyal hitun Philippine Army sugad kan 803rd Infantry Brigade Commander BGen Carmelito Pangatungan ug han Philippine National Police (PNP) ha paghatag han E-CLIP assistance ngadto ha mga anay NPA.
Panuyo ha pag hatag hin E-CLIP Assistance ngadto ha mga anay NPA nga mabuligan hira nga makagtikang ha pagbag-o hitun ira kinabuhi. Labut ha financial assistance may ada pa iba nga Serbisyo nga matatagamtaman an mga anay NPA agud magin manilangpuson an ira reintegration ha ira tagsa-tagsa nga komunidad.
Panuyo gihapun han E-CLIP nga ipakita nga itun gobyerno in padayun itun paningkamut nga aghatun an mga nasasalin nga mga NPA members nga bumalik ha piud han balaud agud hira in makag ukoy hin mahimyang nga kinabuhi kaupod an ira pamilya agud mahikab-utan an kamurayawan hitun nasud.
Source: RMN Tacloban