Ha pagbaton ha nahitabo nga panmusil ha San Jose National High School, nagdumara an Schools Division Office han Tacloban City hin Orientation on School Safety para ha tanan nga school heads agud mapakusog an mga pitad panseguridad ngan maseguro an padayon nga proteksyon han mga estudyante, mga magturutdo, ngan mga katawhan ha bug-os nga dibisyon.
Ginbuhat an mao nga orientation ha koordinasyon han Philippine National Police (PNP), nga nagpapakita han importansya han whole-of-community-approach ha paghimo hin talwas, secure, ngan learner-friendly nga mga palibot ha eskwelahan.
Lakip ha mga ginpan-hingadayan ha orientation an mga school safety protocols emergency preparedness and response measures, threat assessment and reporting mechanisms, ngan mga stratehiya ha pagpakusog han campus security ngan crisis management.
Samtang, nagpapabilin nga padayon an DepEd-Tacloban City ha pakikipagsumpayan ha diru dilain nga ahensya ngan stakeholder’s para masigurado an katalwasan han mga estudyante ha sakob o gawas han eskwelahan.
Source: RMN Tacloban