Nag-antos hin kasamdan an duha nga biktima ha nahitabo nga panmusil han duha nga waray pa kakikilal-i nga mga suspek ha Poblacion District, Burauen, Leyte yana nga adlaw, June 25, 2026.
Ha inisyal nga report han mga otoridad, tungod han panhitabo, usa nga 39-anyos nga lalaki ngan 3-anyos nga bata nga lalaki an nag angkon hin kasamdan, nga pareho mga residente han mao nga barangay.
Dayon hira nga natagan hin bulig ngan gindara ha kaangayan nga medical facility para han pagtambal.
Ha pagresponde, dayon liwat nga ginmando an Burauen Municipal Police Station (MPS), ha pakigsumpayan ha mga kahigrani nga police stations, nga magbuhat hin hot pursuit ngan dragnet operations para han pagdakop han duha nga mga suspek nga responsable han krimen.
Samtang, ginsisiguro han kapulisan nga padayon an ira paningkamot agud matudlok ngan maaresto an mga suspek ha kadagmitan nga panahon.
Source: RMN Tacloban